உன் வேலையை ஒழுங்காக பார்!

ராதேக்ருஷ்ணா

மற்றவர்கள் எப்படி இருக்கிறார்கள்

என்பது உனக்கு அனாவசியம்! உன்

வேலையை மட்டும் நீ ஒழுங்காக 

பார்! நீ செய்யும் காரியங்களில் 

ஆயிரம் ஓட்டைகள்! திருந்து!

க்ருஷ்ண ஆசீர்வாதமும் குருவின் வாழ்த்தும் முக்கியம்!

ராதேக்ருஷ்ணா

பிறந்த நாளுக்கு எல்லோரும்

 வாழ்த்து சொல்லுவார்கள்! 

ஆனால் நீ கிருஷ்ணனின் 

ஆசீர்வாதத்தையும், குருவின் 

வாழ்த்துக்களையும் பெறுவதே

 மிக மிக முக்கியம்!

க்ருஷ்ணனை கொண்டாடு!

ராதேக்ருஷ்ணா

உடல் பிறந்ததும், வாழ்வதும் க்ருஷ்ண 

க்ருபையால்தான்! அதனால் பிறந்த

நாளில் க்ருஷ்ணனை கொண்டாடு!

உன்னை கொண்டாட நீ என்ன

 பெரியதாக செய்தாய்?

ஆத்மாவை கொண்டாடு!

ராதேக்ருஷ்ணா

ஒவ்வொரு பிறந்த நாளும் நம் 

உடலுக்கு மரணம் நெருங்குவதை 

நினைவுபடுத்துகிறது! ஆனால் நாம்

அதை புரிந்துகொள்வதில்லை! 

ஆத்மாவை கொண்டாடு!

குருவின் கடமை!

ராதேக்ருஷ்ணா

குரு உன் கோபத்திற்கு எல்லாம்

 பயப்படவே மாட்டார்! உன் 

அஹம்பாவத்திற்கு எல்லாம் குரு

அடி பணியவே மாட்டார்! உன் 

பக்தியை வளர்ப்பது தான் 

குருவின் கடமை!

குருவின் அன்பை இழக்காதே!

ராதேக்ருஷ்ணா

சத்குருவிடம் நீ வாதாடி உன் தவறை 

நியாயப்படுத்த முடியாது! அப்படி 

செய்தால் நீ தான் குருவின் அன்பை 

இழப்பாய்! குரு உன் திமிரை 

கொண்டாட மாட்டார்!

உனக்கும் நன்மை! உலகிற்கும் நன்மை!

ராதேக்ருஷ்ணா

யார் தவறு செய்தாலும் கண்டிப்பது 

குருவின் கடமை! உன்னிடம் உள்ள 

தவற்றை நீ சரி செய்து கொண்டால்

குருவிற்கு சந்தோஷம்! உனக்கும் 

நன்மை! உலகிற்கும் நன்மை!

பாபத்திற்கு பரிகாரம்...

ராதேக்ருஷ்ணா

எல்லாவிதமான பாபத்திற்கும் ஒரே 

பரிகாரம் நாம  ஜபமே! விடாது 

க்ருஷ்ணா என்று சொல்லி 

க்ருஷ்ணனிடம் ப்ராத்தனை செய்!

நிச்சயம் பாவ மன்னிப்பு உண்டு!

உன் தவறுகளை மறைக்காதே!

ராதேக்ருஷ்ணா

தவறு செய்யாத மனிதர்கள் உலகில்

 இல்லை! ஆனால் தான் செய்த தவறை 

மறைப்பவர்கள் உருப்படுவதில்லை! செய்த 

தவறுக்கு  க்ருஷ்ணனிடம் மன்னிப்பு கேள்! 

தவறுகளை திருத்திக்கொள்!

ராதேக்ருஷ்ணா

உன்னுடைய தவறுகளை திருத்திக்கொண்டால் 

உன்னால் முன்னேற முடியும்! நீ தவறு 

செய்யவில்லை என்று வாதாடினால் 

உனக்குத்தான் நஷ்டம்!

 இனி உன் இஷ்டம்!

அன்பு செய்!

ராதேக்ருஷ்ணா

உலகம் மிகப்பெரியது! நீ 

ஒருத்தரை வெறுத்து ஒதுக்குவதால் 

அவர்களுக்கும் ஒன்றும் நஷ்டமில்லை!

உன்னிடம் இருக்கும் அன்பிற்கு 

மட்டுமே உலகம் ஏங்கும்! 

அன்பு செய்!

உன் கையில்!

ராதேக்ருஷ்ணா

நீ அடுத்தவர்க்கு என்ன

 நினைக்கிறாயோ,கொடுக்கிறாயோ 

அதுவே உனக்கு திரும்ப 

பலமடங்காக கிடைக்கும்!

நல்லதை நினைப்பதும் 

கொடுப்பதும் உன் கையில்!

அன்பாகப் பழகு!

ராதேக்ருஷ்ணா

வாழ்க்கை என்பது ஒரு வழி பாதை!

எல்லோரும் திரும்பிப் பார்க்கலாம்!

யாரும் திரும்பிப் போகமுடியாது!

அதனால் யாவரிடமும் அன்பாகப்

பழகு! ஏமாறாதே!

சத்குருவிற்கு க்ருஷ்ணன் இருக்கிறான்!

ராதேக்ருஷ்ணா

சத்குருவிற்கு நீ வழி காட்ட 

வரவில்லை!  சத்குருவிற்கு 

க்ருஷ்ணன் இருக்கிறான்! குரு 

எந்த மைந்தரையும் நம்பி

 பூமியில் வாழவில்லை! க்ருஷ்ணன்

காப்பாற்றுகிறான்!

மனம் திருந்தி வாழ்!

ராதேக்ருஷ்ணா

சத்குருவிற்கு எல்லோரும் பக்தி 

செய்தால் பிடிக்கும்! வம்பு பேசுபவர்கள்

யாராக இருந்தாலும் ஒரு நாளும் 

பிடிக்காது! மனம் திருந்தி நீ வாழ

நன்மை உண்டு!

நீ சரியாய் இரு!

ராதேக்ருஷ்ணா

சத்குருவிற்கு ஒவ்வொருவரை பற்றியும் 

அக்கறை உண்டு! ஏதோ நீ மட்டும் 

தான் சத்குருவிற்கு ப்ரியம் என்று 

நினைத்துக்கொள்ளாதே! நீ சரியாய் 

இருந்தால் சந்தோஷம்!

தொலைத்துவிடாதே!

ராதேக்ருஷ்ணா

உன்னை உயர்த்திக்கொள்ளவே 

வாழ்க்கை கிடைத்திருக்கிறது!  

அடுத்தவரை கேவலப்படுத்தி 

மற்றவரிடம் பேசுவதற்காக 

இல்லை! உன் வாழ்க்கையை 

தொலைத்துவிடாதே!

பக்தர்களை நிந்திக்காதே!

ராதேக்ருஷ்ணா

உன் மூளையை விட கோடி மடங்கு 

பெரியது பக்தர்களின் பக்தி! உன் 

புத்திசாலித்தனம் எல்லாம் பக்தர்களின்

முன் தூசிக்கு சமம்! பக்தர்களை

நிந்திக்காதே!

திருந்து!

ராதேக்ருஷ்ணா

நீ என்ன கடவுளின் ப்ரதிநிதியா

அடுத்தவரை திருத்துவதற்கு? உன் 

வேலையை ஒழுங்காக பார்! உன்னை 

திருத்திக்கொள்ளவே நேரம் 

போதவில்லை! திருந்து!

நீ நீயாக இரு!

ராதேக்ருஷ்ணா

உன்னைப் பற்றி உயர்வான எண்ணமே 

வேண்டாம்! தாழ்வான எண்ணமும் 

வேண்டாம்! யாரைப்பார்த்தும் காப்பி 

அடிக்காதே! நீ நீயாக இருந்தாலே

 க்ருஷ்ணனுக்கு உன்னை பிடிக்கும்! 

திருத்திக்கொள்!

ராதேக்ருஷ்ணா

நீ முதலில் பக்தியில் உயர்ந்து வா!

பிறகு மற்றவரின் பக்தியை விமர்சனம்

செய்யலாம்! நீ இன்னும் முழுமையாக 

பக்தி செய்ய தொடங்கவில்லை! 

திருத்திக்கொள்!

உன்னை சுத்தம் செய்து கொள்!

ராதேக்ருஷ்ணா

நீ உன் மனதில் அழுக்குகளை சுத்தம்

செய்து கொள்! அடுத்தவரின் அழுக்கை 

சுத்தம் செய்வது உன் வேலை இல்லை!

முதலில் நீ உன்னை சரி செய்து கொள்!

பிறகு பேசு! 

சத்தியமாய் இரு!

ராதேக்ருஷ்ணா

நீ மற்றவரிடம் வம்பு பேசவில்லை

 என்று வாதாடி பொய் சொல்லி 

ஏமாற்றலாம்! ஆனால் உன் மனதில்

 இருக்கும் க்ருஷ்ணனை நீ ஏமாற்ற 

முடியாது! சத்தியமாய் இரு!

ஒழுங்காக இரு!

ராதேக்ருஷ்ணா

வம்பு பேசுபவர்களை க்ருஷ்ணனுக்கு

ஒரு  நாளும் பிடிக்காது! நீ ஒன்றும்

ஆகாயத்தில் இருந்து பூமியில் குதித்த 

தேவனோ தேவதையோ இல்லை! 

ஒழுங்காக இரு!

ஜாக்கிரதை!

ராதேக்ருஷ்ணா

வம்பு பேசும் நேரத்தில் நிறைய

 நாமஜபம் செய்யலாம்! வம்பு 

பேசுவதினால் உன் வாழ்க்கையை 

நீயே நாசமாக்கிக் கொள்கிறாய்!

ஜாக்கிரதையாக இருப்பாய்!